Ministri i Jashtëm i Serbisë, Ivica Daçiq ka thënë se shtyrja e takimit ndërmjet zyrtarëve të Prishtinës dhe Beogradit në Paris ishte “humbje për dikë”, por më së paku disfatë e Serbisë.
Madje, sipas mediave serbe, përcjell Telegrafi, Daçiq ka thënë se nuk ka shumë “hidhërim” as në Bruksel apo në Uashington se takimi në Paris u shty.
“Kjo sugjeron që Shtetet e Bashkuara e shohin këtë si dëshmi se asgjë nuk mund të bëhet pa ta. Tani ata që u përpoqën të organizonin këtë takim e shohin se nuk është e lehtë”, citohet të ketë thënë Daçiq.
Siç shtoi ai, është shumë herët të thuhet kur do të vazhdojë dialogu midis Beogradit dhe Prishtinës dhe çfarë mund të jetë rrjedha e ngjarjeve.
“Ka shumë tema të tjera me të cilat ballafaqohen udhëheqësit evropianë dhe një prej tyre është zgjedhja e institucioneve të reja evropiane”, tha Daçiq.
Ndërkohë presidenti i Serbisë, Aleksandar Vuçiq, është deklaruar rreth anulimit të takimit, duke thënë se ai gjithashtu nuk është i kënaqur që nuk do të ketë një takim në Paris.
Komisioni Disiplinor merr vendimet për dhunën në ndeshjen De...
Vriten dy ushtarë izraelitë pranë kufirit me Libanin
Trepça nesër luan sfidën e dytë për kualifikim në Ligën e Ka...
Hoxha vizitë zyrtare në Ankara, merr pjesë në panairin e sig...
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...